Блогду кантип кыргызчаласа болот?

Айрым жеке демилгелер болуп жатканы менен WordPressтин кыргызчасы азырынча жок. Ушуга байланыштуу аны өзүбүз кыргызчалаштырышыбыз керек. Бул толугу менен болбойт дечи, бирок көзгө урунган негизги нерселерди кыргызча “сүйлөттүрсөк” болот.

Кыргызча шрифттер

Түздөн түз WordPressке тиешеси болбосо да алгач шрифттер боюнча маселени карайлы. Тилекке каршы, азыр бардыгы толугу менен колдонгон бирдиктүү кыргызча тамгаларды жазуу ыкмасы жок. Ушуга байланыштуу айрым маселелер бизди түйшөлтүп келет.

Кыргызча тамгалар менен жазуунун бир нече жолу бар. Мен өзүм колдонуп келген ыкма менен бөлүшөйүн.

1. Компьтерде учурда колдонулуп жаткан тилди көрсөткөн терезечеге курсорду алып келип, чычкандын оң бармакчасын басасыңар.

2. Пайда болгон тизмектен “Параметры” дегенди баскыла.

3. Өзүнчө ачылган терезечеден “Добавить” дегенди баскыла.

4. Жаңы терезече ачылат. Андан кыргыз тилин тандап, аны ачкыла (1), андан соң “клавиатура” дегенди ачкыла (2), соңунда “Киргизская (кириллица)” дегенди белгилегиле (3). “ОК” дегенди баскыла (4).

5. Жаңы ачылган терезече жабылат. Алдындагы, биринчи ачылган терезечеден “ОК”ту баскыла.

Эми компьютериңизде тилдерди алмашатыруу менен керектүүсүн тандап, колдоно баштасаңар болот. Бир гана кошумчалай кете турган нерсе:

“ү”нү жазыш үчүн тергичтин (клавиатуранын) оң жагындагы “alt” бармакчасын жана «у» тамгасын чогуу басыш керек. Чоң “Ү”нү жазыш үчүн “alt”, “Shift” бармакчаларын жана «у» тамгасын чогуу басыш керек.

“ң” тамгасы үчүн жогоруда айтылган жол менен “н” тамгасын, ал эми “ө” тамгасы үчүн “о” тамгасын басыш керек.

Бир аз ыңгайсыз болгону менен бул тамгалар менен терилген жазууну бардык компьютерлер таанып, көрөт. Интернетке да жайгаштырып жатканда маселелер болбойт.

Эми блогду кыргызчалаштырууга өтөлү.

“Толугу менен”

Жазууларыбыз узун болгон учурда, ал блогдун башкы бетин толугу менен ээлебеши үчүн, башка материалдар менен таанышууга жолтоо болбошу үчүн жазуунун бир бөлүгүн катып коюуга туура келет. Макаланы толук окугусу келген адам катылганын ача алат. Катылган бөлүктү “Толугу менен” деп белгилеп койсок болот.

Колдонмодо, материалды жайгаштырып жатканда, катыла турган жерди кантип белгилеш керектиги кенен түшүндүрүлгөн (6-беттин аягы, 7-беттин башы). Бир гана “Читать далее” дегендин ордуна “Толугу менен” деп жазыш керек. Кааласаңар башкача жазсаңар да болот.

Виджеттер

Виджеттер (блогдун мүмкүнчүлүктөрүн кеңейтүүчү чакан өз алдынча программалар) кыргызча болушу үчун виджетти жайгаштырып жатканда (колдонмонун 2-4 беттери), ар бир виджеттин “Заголовок” деген жерине кыргызча аталышын жазсаңар болот. 

Ушуну менен колубуздан келген блогду кыргызчалоо мүмкүнчүлүгүбүз бүттү.  🙁

8 thoughts on “Блогду кантип кыргызчаласа болот?

  1. Мен кадыресе кыргыз тилинде, кыргыз тилинин жазма грамматикалык эрежелерине жана Кыргыз «ӨҢҮНӨ» ТАЯНЫП сайтымы иштетип жатам. Бул Кыргыз айылы мага жакты.Сонун айыл…. Эне тилде баарлашуу өзүнчө эле ырахат….

  2. Мен кадыресе кыргыз тилинде, кыргыз тилинин жазма грамматикалык эрежелерине жана Кыргыз «ӨҢҮ» ТАЯНЫП сайтымы иштетип жатам. Бул Кыргыз айылы мага жакты.

  3. Pingback: Wordpress кыргызча сүйлөй баштады « Темирлик

Добавить комментарий

Ваш e-mail не будет опубликован. Обязательные поля помечены *